Ақсаң ауылдық округі

  

Ақсаң ауылдық округінің әкімі Дюсенбаев Кенжебек Дюсенбаевич.

1961 жылы 28 тамызда Павлодар облысы, Баянауыл ауданы, Ақсаң ауылында  дүниеге келген.

Білімі жоғары, 1984 жылы  Алматы  қаласының  Қазақ ауыл шаруашылық институтын «Инженер механик» мамандығы бойынша бітірген.

2008 жылы Алматы қаласының үздіксіз білім беру университетін «Экономист» мамандығы бойынша бітірген.

Еңбек жолын 1984 -1988 ж.ж.  Баянаульский  совхозының  МТМ меңгерушісі  болып бастаған.

1988-1996 ж.ж. – Баянаульский совхозының бас инженері.

1996-2007 ж.ж. «Талапкер» шаруа қожалығының басшысы.

2007-2008 ж.ж.-Баянауыл аудандық тұрғын үй коммуналдық шарушалығы, жолаушылар көлігі бөлімінің басшысы.

2008-2009 ж.ж. Баянауыл  ауданы әкімінің көмекшісі.

2009-2012 ж.ж. Екібастұз қаласы әкімдігінің ауылшаруашылық және ветеринария бөлімінің басшысы.

2012-2013 ж.ж. Екібастұз қаласы әкімінің ауылшаруашылық саласы бойынша  кеңесшісі.

2014-2017 ж.ж.  «Талапкер» шаруа қожалығының басшысы.

2017 жылдың тамыз айының 17 күнінен бастап  Ақсаң ауылдық округінің әкімі  қызметін атқаруда.

            Ақсаң  ауылдық округіне үш елді мекен  кіреді. Ақсаң, Қаражар,  Жалғызқайың  ауылы. Халықтың саны  940 адамды  құрайды  және  198 аула  бар. Оның  ішінде   Ақсаң  ауылында-   79 аула    (336 адам) ,  Қаражар  ауылында-  68 аула  (338адам),  Жалғызқайың ауылы бойынша -  51  аула  (266)  адам бар.  

          Экономикалық  белсенді тұрғындар саны - 514  адам, 108 зейнеткер,   35  адам 1,2,3  топтағы  мүгедектер,  жастайынан  мүгедек  балалар -5,  тыл  еңбеккерлері- 14 адам,   «Алтын   алқа »  иегері  -  27 адам,  « Күміс алқа»  иегері – 9 адам тіркелген. 

         Округ бойынша  1 жалпы орта мектеп, 1 жалпы  негізгі білім беру мектебі, 2-шағын орталық ,1-Мәдениет үйі, 2 ауылдық  клуб, 1- «Аңсар» мешіті, 3- дәрігерлік пункт, 3- кітапхана,1-Қазпошта бөлімшесі,  2-дүкен  , су құбыры-1, скважина-2  және  футбол алаңы -1,  «Мырзашоқы» тау- шаңғы базасы  халыққа  қызмет етуде. 

2016 жылдың  мамыр айында  Ақсаң жалпы орта білім беру мектебіне  Ұлы Отан соғысының ардагері, алғаш мектеп ашқан ұстаз  Дүйсенбай Рахметовтың  есімі беріліп,  мектеп атауы «Дүйсенбай Рахметов атындағы жалпы орта білім беру мектебі» болып өзгертілді. Сонымен қатар мектеп ішінен Ақсаң ауылының тарихының дамуына  зор үлес қосқан ел ағаларына,  тыл ардагерлеріне, Ұлы Отан соғысының ардагерлері  мен  еңбек ардагерлеріне арналған  мұражайашылды.

Ауыл округі көлемінде ауылдың әлеуметтік экономикалық дамуының негізгі көзі мал шаруашылығы. Округ  бойынша   41-шаруа қожалықтары мал өсірумен айналысып, жылда малдарын асылдандыруда. Жайылым және  шабындық  жерлерін  цифрлау  бойынша  жұмыстар  жүргізілуде.

Ауыл әкімдігінде «Мемлекетік  қызметкерлердің «Әдеп Кодексі» орналастырылған, сенім телефоны бар, мемлекеттік қызметкерлердің әдебін бақылау кітабын қарауға қамтамасыз етілді. Ауыл тұрғындарынан ескертулер мен ұсыныстарға арналған  жәшік  орналастырылған.

Ауылтұрғындарына арналған «Электрондық  мемлекеттік  көрсетілетін  қызметтерді  өздігінен алу  бұрышы»  ашылған.  Әкімшілік мемлекеттік  қызметшілері  тұрғындарға  электрондық қызмет  ( еgov.  порталы  арқылы) анықтамаларды қалай  дұрыс  алуға  болатыныны   жөнінде  кеңес  беріліп отырады.

         Округ бойынша 2мемлекеттік қызметкөрсетіледі: елді мекен шегінде  обьект салу үшін жер учаскесін беру және шалғайдағы  ауылдық  елді  мекендерде  тұратын  балаларды жалпы  білім беру ұйымдарына және кейін үйлеріне тегін  тасымалдауды  ұсыну  (Стандарт, Регламент )

 

 

 

2008-2018 © Баянауыл ауданы әкімінің ресми интернет-ресурсы