Жедел респираторлы аурулар және тұмау

Жарияланған: 08.02.2018


Аурудың қоздырғышы не болып табылады?

Жедел респираторлы аурулардың қоздырғышы көптеген вирустар (парагрипп вирусы, аденовирустар, риновирустар) болып табылады. Тұмау-әр типті вирустармен (А,В,С) қоздырылатын, жедел жұқпалы ауру.

 

Инфекция көзі кім?

Инфекция көзі- ауру адам. Әсіресе алғашқы күндері ауру жұқпалығы жоғары болады. ИНфекция ауа-тамшы арқылы басым таралады.

 

 Аурудың қандай негізгі көріністері бар?

Ауру қалтыраумен, жоғары температурамен, бас аурумен, көз шарасының ауруымен, жарықтан қорқумен сипатталады. 2-3 тәулікте түшкіру, мұрынның бітелуі, жөтел белгілері қосылады.

 

Негізгі алдын алу шаралары:

  • антигриппин, оксалин майы (мұрын жолдарына жағу үшін) және басқа алдын алу дәрі-дәрмектерін пайдалану;
  • халық көп жиналатын жерлерге баруды шектеу;
  • қоғамдық көліктермен жүруді шектеу;
  • бөлмелерді жиі желдету, жуып тазалау;
  • ауруларды және оларды қолданатын заттарымен бірге оқшаулау, олармен қарым-қатынасты шектеу;
  • бір рет қолданатын маска немесе 4 қабатты дәкелік маска кию, дәкелік масканы күнделікті қайнатып, ыстық үтікпен үтіктеу қажет;
  • ауырып қалсаңыз, үйге дәрігер шақырту керек.

 

Өзіңді жедел респираторлы аурулардан қорға!

 

Баянауыл аудандық ҚДСБ эпидемиологиялық бөлімі

2008-2018 © Баянауыл ауданы әкімінің ресми интернет-ресурсы