Введите ваш запрос для начала поиска.

Міндетті зейнетақы жарналары бойынша БЖЗҚ-дан төлем алуға кімнің құқығы бар?

Жарияланған: 13.02.2017


Газеттердің редакциларына, www.enpf.kz сайтына, әлеуметтік желілердегі БЖЗҚ парақшаларына, Қордың байланыс орталығына зейнетақы жинақтары мен жалпы зейнетақы жүйесі туралы көбірек білгісі келетіндерден сауалдар келіп түседі. Олардың ішіндегі ең көп қойылатын сауалдарға жауапты «БЖЗҚ сұрақтарға жауап береді» айдарынан оқи аласыздар.

  1. Міндетті зейнетақы жарналары бойынша БЖЗҚ-дан төлем алуға кімнің құқығы бар?

«Қазақстан Республикасында зейнетақымен қамсыздандыру туралы» Қазақстан Республикасы заңының (бұдан әрі - Заң) 31-бабының ережелеріне сай міндетті зейнетақы жарналары есебінен зейнетақы төлемдеріне құқық БЖЗҚ-да зейнетақы жинақтары бар тұлғаларға беріледі:

1) зейнет жасына толған соң:

63 жасқа толған ерлер,

58 жасқа толған әйелдер:

2018 жылғы 1 қаңтардан бастап - 58,5 жас;

2019 жылғы 1 қаңтардан бастап - 59 жас;

2020 жылғы 1 қаңтардан бастап - 59,5 жас;

2021 жылғы 1 қаңтардан бастап - 60 жас;

2022 жылғы 1 қаңтардан бастап - 60,5 жас;

2023 жылғы 1 қаңтардан бастап - 61 жас;

2024 жылғы 1 қаңтардан бастап - 61,5 жас;

2025 жылғы 1 қаңтардан бастап - 62 жас;

2026 жылғы 1 қаңтардан бастап - 62,5 жас;

2027 жылғы 1 қаңтардан бастап - 63 жас;

2) сақтандыру ұйымымен зейнетақы аннуитеті шартын жасаған жағдайда, зейнетақы жинақтары ең аз зейнетақы мөлшерінен кем емес төлемді қамтамасыз етуге жеткiлiктi болған кезде:

55 жасқа толған ерлер;

50 жасқа толған әйелдер (2016 жылғы 1 наурыздан бастап):

2018 жылғы 1 қаңтардан бастап - 50,5 жас;

2019 жылғы 1 қаңтардан бастап - 51 жас;

2020 жылғы 1 қаңтардан бастап - 51,5 жас;

2021 жылғы 1 қаңтардан бастап - 52 жас;

2022 жылғы 1 қаңтардан бастап - 52,5 жас;

2023 жылғы 1 қаңтардан бастап - 53 жас;

2024 жылғы 1 қаңтардан бастап - 53,5 жас;

2025 жылғы 1 қаңтардан бастап - 54 жас;

2026 жылғы 1 қаңтардан бастап - 54,5 жас;

2027 жылғы 1 қаңтардан бастап - 55 жас;

3) егер мүгедектiгi мерзiмсiз болып белгiленсе, бiрiншi және екiншi топтардағы мүгедектер;

4) Қазақстан Республикасының аумағына тысқары жерлерге тұрақты тұруға кеткен, Қазақстан Республикасының заңнамасында айқындалған кету дерегін растайтын құжаттарды ұсынған шетелдiктер мен азаматтығы жоқ тұлғалар.

Сонымен қатар міндетті зейнетақы жарналары есебінен БЖЗҚ-да зейнетақы жинағы бар тұлға қайтыс болған* жағдайда, зейнетақы жинақтары Қазақстан Республикасының заңнамасында белгіленген тәртіппен мұраға беріледі.

 

Баянауыл елді мекеніндегі қызмет

көрсету орталығы бастығының м.а. Турсунбаева Г.Т.

 

2008-2018 © Баянауыл ауданы әкімінің ресми интернет-ресурсы